АШУҮИС-ийн Анагаах ухааны сургуулийн Багшийн хөгжлийн дэд хөтөлбөрийн хүрээнд мэргэжлийн тэнхимүүд, багш нараа алдаршуулах, багш нарын бүтээлийг сурталчлан нийтэд таниулах, байгууллагын соёлыг хөгжүүлэх “Тэнхимийн нэрэмжит 7 хоногийн аян”-ыг эхлүүлээд байна. АШУҮИС-ийн “Дотор өвчнийг шинжлэн судлах тэнхим” үүсгэн байгуулагдсаны түүхт 80 жилийн ойг тохиолдуулан Дотрын анагаахын тэнхимүүдийн нэрэмжит 7 хоногийн аян 2025.03.17—2025.03.26-ны хооронд зохион байгуулагдаж байна.
Аяны хүрээнд энэ сарын 17, 18-ны өдрүүдэд Анагаах Ухааны Сургуулийн Уушги Харшил Судлалын тэнхим, Ревматологийн тэнхимийн профессор, эрдэмтэн багш судлаач нар үйл ажиллагаагаа сурталчилан танилцууллаа. Уушги харшил судлалын тэнхимээс тэнхимийн багш нарыгаа алдаршуулан танилцуулахаас гадна үйл ажиллагаагаа таниулан сурталчилсан танилцуулга видео хэлбэрээр хийгдсэн байв. Мөн тус тэнхимийн профессорын багаас оюутнуудад Спирометрийн шинжилгээ болон Харшлын сорил хийх арга техникийг танилцуулахаас гадна сонрхсон оюутнуудад дээрх шинжилгээнүүдийг хийж өгөв.
Ревматологийн тэнхимийн багш нар өөрсдийн бүтээлийн дээжсийг олон нийтэд танилцуулж, тэнхимийн үйл ажиллагаагаа сурталчилав. Мөн оюутнуудын дунд “Үе судлалын талаарх мэдлэг” үнэлэх сонирхолтой асуулт хариултын тэмцээнийг амжилттай зохион байгуулж, тэргүүн байр эзэлсэн оюутнуудад тэнхимийн бүтээлийн дээжээс гардууллаа.